Saudiya Arabistonining “An-Nasr” klubi va Portugaliya terma jamoasi hujumchisi Krishtianu Ronaldu 2023 yilda 54 ta gol urib, eng yaxshi to‘purarga aylangani haqidagi his-tuyg‘ulari bilan o‘rtoqlashdi.
"O‘yin darajam meni hayratda qoldirmadi, chunki menda hali ko‘p kuch borligini bilaman. Men "An-Nasr" va terma jamoa uchun juda ko‘p gol ura olishimni bilaman, shuning uchun individual darajada 54 ta gol urishga muvaffaq bo‘lganim aql bovar qilmaydigan bo‘ldi", - dedi Ronaldu Record bilan suhbatda.
Eslatib o‘tamiz, shu haftada Globe Soccer Awards marosimi bo‘lib o‘tdi, unda Ronaldu Yaqin Sharqning eng yaxshi futbolchisi deb topildi, shuningdek, 2023 yilning eng yaxshi to‘purari sifatida Maradona mukofotini qo‘lga kiritdi.
Joriy mavsumda 38 yoshli hujumchi 25 uchrashuvda maydonga tushib, 24 gol urdi va 11 golga assistentlik qildi.
