Саудия Арабистонининг “Ан-Наср” клуби ва Португалия терма жамоаси ҳужумчиси Криштиану Роналду 2023 йилда 54 та гол уриб, энг яхши тўпурарга айлангани ҳақидаги ҳис-туйғулари билан ўртоқлашди.
"Ўйин даражам мени ҳайратда қолдирмади, чунки менда ҳали кўп куч борлигини биламан. Мен "Ан-Наср" ва терма жамоа учун жуда кўп гол ура олишимни биламан, шунинг учун индивидуал даражада 54 та гол уришга муваффақ бўлганим ақл бовар қилмайдиган бўлди", - деди Роналду Record билан суҳбатда.
Эслатиб ўтамиз, шу ҳафтада Globe Soccer Awards маросими бўлиб ўтди, унда Роналду Яқин Шарқнинг энг яхши футболчиси деб топилди, шунингдек, 2023 йилнинг энг яхши тўпурари сифатида Марадона мукофотини қўлга киритди.
Жорий мавсумда 38 ёшли ҳужумчи 25 учрашувда майдонга тушиб, 24 гол урди ва 11 голга ассистентлик қилди.
