"Roma"da bir yilga ijaraga olingan "Chelsi" hujumchisi Romelu Lukaku Rim klubida qolishi mumkin. Bu haqda Football Italia xabar bermoqda.

Manba bergan xabarga ko‘ra, "Roma" rahbariyati belgiyalik forvardning o‘yinidan mamnun va uni jamoada olib qolmoqchi. Shu bilan birga, rimliklar uchun so‘ralgan summani to‘lash qiyin bo‘ladi: “Chelsi” Lukakuni 43 million yevroga baholamoqda.“Roma” Chempionlar ligasiga yo‘llanma olsagina, bunday transferni amalga oshirishi mumkin.

Qayd etilishicha, “Al-Hilol” Lukakuga da’vo qilishda davom etmoqda. Saudiyaliklar vakillari kelasi yozda belgiyalik futbolchi bilan bog‘lanishadi va unga 30 million yevro maosh bilan ikki yillik shartnoma taklif qilishadi.