"Рома"да бир йилга ижарага олинган "Челси" ҳужумчиси Ромелу Лукаку Рим клубида қолиши мумкин. Бу ҳақда Football Italia хабар бермоқда.
Манба берган хабарга кўра, "Рома" раҳбарияти бельгиялик форварднинг ўйинидан мамнун ва уни жамоада олиб қолмоқчи. Шу билан бирга, римликлар учун сўралган суммани тўлаш қийин бўлади: “Челси” Лукакуни 43 миллион еврога баҳоламоқда.“Рома” Чемпионлар лигасига йўлланма олсагина, бундай трансферни амалга ошириши мумкин.
Қайд этилишича, “Ал-Ҳилол” Лукакуга даъво қилишда давом этмоқда. Саудияликлар вакиллари келаси ёзда бельгиялик футболчи билан боғланишади ва унга 30 миллион евро маош билан икки йиллик шартнома таклиф қилишади.
