Janubiy Koreya terma jamoasi Osiyo Kubogi guruh bosqichi 3-turi doirasidagi o‘yinda o‘z muxlislarini noxush hayratda qoldirdi. Jamoa Malayziya bilan durangga erishdi (3:3) va natijada kvartetda ikkinchi o‘rinni egalladi.
Final hushtagi yangraganidan keyin Janubiy Koreya terma jamoasi bosh murabbiyi Yurgen Klinsmann hakamlikdan noroziligini bildirdi.
"Bizga qarshi penalti yo‘q edi. Malayziyaning yana bir goli oldidan esa futbolchimizga nisbatan qo‘pollik sodir bo‘ldi. Shu tariqa, ikkita hakamning qarori raqibga ikkita gol olib keldi. Ammo biz yaxshiroq harakat qilib, g‘alaba qozonishimiz kerak edi", - dedi Klinsmann.
Janubiy Koreya terma jamoasi Osiyo Kubogi 1/8 finalidagi raqibi nomini yaqin soatlarda bilib oladi.
