Жанубий Корея терма жамоаси Осиё Кубоги гуруҳ босқичи 3-тури доирасидаги ўйинда ўз мухлисларини нохуш ҳайратда қолдирди. Жамоа Малайзия билан дурангга эришди (3:3) ва натижада квартетда иккинчи ўринни эгаллади.
Финал ҳуштаги янграганидан кейин Жанубий Корея терма жамоаси бош мураббийи Юрген Клинсманн ҳакамликдан норозилигини билдирди.
"Бизга қарши пенальти йўқ эди. Малайзиянинг яна бир голи олдидан эса футболчимизга нисбатан қўполлик содир бўлди. Шу тариқа, иккита ҳакамнинг қарори рақибга иккита гол олиб келди. Аммо биз яхшироқ ҳаракат қилиб, ғалаба қозонишимиз керак эди", - деди Клинсманн.
Жанубий Корея терма жамоаси Осиё Кубоги 1/8 финалидаги рақиби номини яқин соатларда билиб олади.
