Мадриднинг «Атлетико» клуби «Реал» ярим ҳимоячиси Федерико Вальверденинг жароҳатдан тикланиши муносабати билан ижтимоий тармоқларда кинояли хабар эълон қилди.

Уругвайлик футболчи икки жамоа ўртасидаги учрашувда жароҳат олган эди.

«Биз «Реал»ни тарих яратишда давом этаётгани ва бутун дунё тиббиёт ҳамжамиятининг 100 фоизи адашганини исботлагани билан табрикламоқчимиз!» — дейилади «Атлетико» баёнотида.

Эслатиб ўтамиз, Мадрид дербиси 20 сентябрь куни бўлиб ўтган ва «Атлетико»нинг 2:1 ҳисобидаги ғалабаси билан якунланган эди.

Учрашувнинг биринчи бўлимида Ли Кан Иннинг қўпол подкатидан сўнг «Реал» ярим ҳимоячиси Вальверде чап тўпиғидан жароҳат олган.

Тиббий текширувлар натижасида Мадрид клуби футболчида учинчи даражали бойламлар чўзилиши аниқланганини маълум қилган эди.

Шунга қарамай, Вальверде 10 октябрь куни бўлиб ўтадиган «Вильярреал»га қарши учрашув учун «Реал» қайдномасига киритилди.