Мадриднинг "Реал" клуби ярим ҳимоячиси Жуд Беллингем Испания Ла Лигасининг 8-туридан ўрин олган "Вильярреал"га қарши учрашувда майдондан четлатилган жамоадоши Винисиус Жуниорга мурожаат қилди.
Бразилиялик футболчи баҳснинг 72-дақиқасида тўғридан-тўғри қизил карточка олди. Шу тариқа, у майдонда атиги 20 дақиқа ҳаракат қилди.
"Доим сенинг ёнингдаман", — дея Беллингемнинг сўзларини келтиради журналист Фабрицио Романо.
Винисиус мазкур учрашувни захира ўриндиғида бошлади ва 52-дақиқада Трент Александер-Арнольднинг ўрнига майдонга тушди.
Бир киши кам бўлиб қолганига қарамай, "Реал" 1:0 ҳисобидаги устунликни сақлаб қолишга муваффақ бўлди.
Учрашувдаги ягона голга Ян Диоманде муаллифлик қилди. У Винисиус майдондан четлатилишидан 10 дақиқа аввал рақиб дарвозасини ишғол қилган эди.
