Эрлинг Холанд келаси ёзги футбол трансфер ойнасининг асосий ўйинчиларидан бири бўлиши мумкин. El Nacional нашри норвегиялик ҳужумчининг келажаги ҳақида янги мақола чоп этди. Унда Холанд аллақачон қарор қилгани айтилган: 2026/27 йилги мавсум унинг "Манчестер Сити"даги сўнгги мавсуми бўлади. Клубнинг молиявий муаммолари унинг кетиш истагини янада кучайтирди.
Холанднинг кейинги манзили Испания лигаси бўлади. Норвегиялик "Реал Мадрид"дан кўра "Барселона"га ўтишни афзал кўрмоқда.
"Фликнинг лойиҳаси ҳозирда Холанд учун Моуриньоникидан анча жозибадор. Эрлинг Мбаппе ва Винисиус туфайли "Реал Мадрид"да ўрин эгаллай олмасди. У Рафинья ва Ямалга қўшилиб, кучли ҳужумкор учликни шакллантиришга анча тайёр бўларди", деб хабар беради El Nacional.
26 ёшли Эрлинг Холанд Transfermarkt портали мутахассислари томонидан 220 миллион еврога баҳоланмоқда.
