Ўзбекистон Суперлигасининг 24-тур учрашувлари 15–17 октябрь кунлари бўлиб ўтади. Тур доирасида саккизта баҳс ўтказилиши режалаштирилган.

24-тур 15 октябрь куни икки учрашув билан старт олади. Соат 19:00 да "Андижон" ўз майдонида "Қизилқум"ни қабул қилса, "Машъал" ОКМК билан куч синашади.

16 октябрь куни бир вақтнинг ўзида учта баҳс ўтказилади. "Бунёдкор" — "Сўғдиёна", "Қўқон-1912" — "Нефтчи" ва "Сурхон" — "Хоразм" учрашувлари соат 19:00 да бошланади.

Турнинг энг қизиқарли учрашувлари 17 октябрь кунига тўғри келади. Соат 18:00 да "Локомотив" "Насаф"ни қабул қилади. 19:00 да эса "Динамо" — "Бухоро" ҳамда "Навбаҳор" — "Пахтакор" баҳслари старт олади.

Айниқса, Намангандаги "Навбаҳор" — "Пахтакор" учрашуви турнинг марказий қарама-қаршиликларидан бири бўлиши кутилмоқда. 23 турдан кейин "Пахтакор" 52 очко билан пешқадам бўлиб турган бўлса, "Навбаҳор" 45 очко билан учинчи ўринни эгаллаб турибди.

Суперлига, 24-тур:

15 октябрь

• 19:00 — "Андижон" — "Қизилқум"
• 19:00 — "Машъал" — ОКМК

16 октябрь

• 19:00 — "Бунёдкор" — "Сўғдиёна"
• 19:00 — "Қўқон-1912" — "Нефтчи"
• 19:00 — "Сурхон" — "Хоразм"

17 октябрь

• 18:00 — "Локомотив" — "Насаф"
• 19:00 — "Динамо" — "Бухоро"
• 19:00 — "Навбаҳор" — "Пахтакор"