O‘zbekiston Superligasining 24-tur uchrashuvlari 15–17 oktyabr kunlari bo‘lib o‘tadi. Tur doirasida sakkizta bahs o‘tkazilishi rejalashtirilgan.
24-tur 15 oktyabr kuni ikki uchrashuv bilan start oladi. Soat 19:00 da "Andijon" o‘z maydonida "Qizilqum"ni qabul qilsa, "Mash’al" OKMK bilan kuch sinashadi.
16 oktyabr kuni bir vaqtning o‘zida uchta bahs o‘tkaziladi. "Bunyodkor" — "So‘g‘diyona", "Qo‘qon-1912" — "Neftchi" va "Surxon" — "Xorazm" uchrashuvlari soat 19:00 da boshlanadi.
Turning eng qiziqarli uchrashuvlari 17 oktyabr kuniga to‘g‘ri keladi. Soat 18:00 da "Lokomotiv" "Nasaf"ni qabul qiladi. 19:00 da esa "Dinamo" — "Buxoro" hamda "Navbahor" — "Paxtakor" bahslari start oladi.
Ayniqsa, Namangandagi "Navbahor" — "Paxtakor" uchrashuvi turning markaziy qarama-qarshiliklaridan biri bo‘lishi kutilmoqda. 23 turdan keyin "Paxtakor" 52 ochko bilan peshqadam bo‘lib turgan bo‘lsa, "Navbahor" 45 ochko bilan uchinchi o‘rinni egallab turibdi.
Superliga, 24-tur:
15 oktyabr
- 19:00 — "Andijon" — "Qizilqum"
- 19:00 — "Mash’al" — OKMK
16 oktyabr
- 19:00 — "Bunyodkor" — "So‘g‘diyona"
- 19:00 — "Qo‘qon-1912" — "Neftchi"
- 19:00 — "Surxon" — "Xorazm"
17 oktyabr
- 18:00 — "Lokomotiv" — "Nasaf"
- 19:00 — "Dinamo" — "Buxoro"
- 19:00 — "Navbahor" — "Paxtakor"
