Мадриднинг «Реал» клубида бош мураббий Жозе Моуриньонинг иш услубидан норозилик пайдо бўлгани хабар қилинмоқда.
The Touchline нашри маълумотига кўра, жамоанинг бир неча футболчиси португалиялик мутахассиснинг тактик ёндашувидан қониқмаяпти.
Хусусан, айрим ўйинчилар Моуриньо жамоавий ўйин тизимини шакллантиришдан кўра, футболчиларнинг индивидуал маҳоратига кўпроқ таянаётганидан норози.
«Кийиниш хонасидаги бўлиниш кучайиб бораётганга ўхшайди. Жамоа ичидаги турли томонлар «Реал»га аслида қандай мураббий кераклиги борасида турлича фикрда», — дея манба сўзларини келтирмоқда нашр.
Манба ушбу вазиятда қизиқ бир жиҳатга ҳам эътибор қаратган. Аввалроқ Хаби Алонсо ҳаддан ташқари мураккаб тактик ёндашуви сабаб «Реал» бош мураббийлигидан озод этилгани айтилган эди.
Энди эса айрим футболчилар Жозе Моуриньони, аксинча, ўйинда етарлича чуқур тактик ёндашув мавжуд эмаслиги учун танқид қилмоқда.
Эслатиб ўтамиз, аввалроқ ҳам «Реал» кийиниш хонасидаги муҳит билан боғлиқ муаммолар ҳақида хабарлар тарқалган эди.
