"Yuventus" "Udineze" yarim himoyachisi Lazar Samardjichni o‘z safiga qo‘shib olishga urinib ko‘rdi.
Turin grandi serbiyalik futbolchini sotib olish majburiyatisiz ijaraga olmoqchi edi, biroq “Udineze” bunga rad javobini berdi, deya xabar beradi taniqli insayder Janluka di Marsio. Avvalroq, 21 yoshli yarim himoyachiga "Napoli" ham qiziqish bildirayotgan edi.
Transfermarkt portali ekspertlarining fikricha, Lazar Samardjichning narxi 20 million yevroni tashkil qiladi. Joriy mavsumda futbolchi “Udineze” safida A seriyada 20 ta o‘yinda maydonga tushib, 3 ta gol urdi va 2 ta golli uzatmani amalga oshirdi. Serbiyalik futbolchining amaldagi shartnomasi 2026 yilgacha mo‘ljallangan.
