"Ювентус" "Удинезе" ярим ҳимоячиси Лазар Самарджични ўз сафига қўшиб олишга уриниб кўрди.
Турин гранди сербиялик футболчини сотиб олиш мажбуриятисиз ижарага олмоқчи эди, бироқ “Удинезе” бунга рад жавобини берди, дея хабар беради таниқли инсайдер Жанлука ди Марцио. Аввалроқ, 21 ёшли ярим ҳимоячига "Наполи" ҳам қизиқиш билдираётган эди.
Transfermarkt портали экспертларининг фикрича, Лазар Самарджичнинг нархи 20 миллион еврони ташкил қилади. Жорий мавсумда футболчи “Удинезе” сафида А серияда 20 та ўйинда майдонга тушиб, 3 та гол урди ва 2 та голли узатмани амалга оширди. Сербиялик футболчининг амалдаги шартномаси 2026 йилгача мўлжалланган.