"Inter Mayami" MLSning ikkinchi eng qimmat franshizasiga aylandi, deb xabar beradi Forbes. Nashrning yozishicha, klub qiymati o‘tgan yilga nisbatan 72 foizga oshgan va hozirda 1,03 milliard dollarni tashkil etmoqda. Ma’lum qilinishicha, bu o‘sishning asosiy sababi “Inter Mayami” rahbariyati tomonidan argentinalik hujumchi Lionel Messi bilan shartnoma imzolagani bo‘lgan.
Xabar qilinishicha, “Inter Mayami” Forbes talqiniga ko‘ra, liga tarixidagi 1 milliard dollarga baholangan ikkinchi klub bo‘ldi. Avval “Los-Anjeles” 2023 yilda bu marraga erishgan va 1,2 milliard dollar daromad bilan MLSning eng qimmat jamoasi bo‘lib qolmoqda.
36 yoshli argentinalik hujumchi Lionel Messi 2023 yilning iyul oyida erkin agent sifatida "Inter Mayami"ga o‘tgan edi. Messi yangi jamoasi safida 14 ta o‘yinda 11 ta gol urdi va 5 ta golli uzatmani amalga oshirdi.
