Fran Garsiyaning "Atletiko"ga qarshi o‘yinda ishtirok etishi so‘roq ostida.
AS xabariga ko‘ra, mashg‘ulotlarda olingan zarba tufayli futbolchining chap to‘pig‘i shishib ketgani uchun himoyachi shanba kuni mashg‘ulotlarni erta yakunlagan.
Yakshanba kuni ertalab jarohat tekshiriladi va shundan so‘ng futbolchi La Liganing 24-turida o‘ynash imkoniga ega bo‘ladimi yoki yo‘qligi aniq bo‘ladi.
Agar Antonio Ryudiger maydonga tushsa, Fran Garsiya o‘yinni zaxira o‘rindig‘ida boshlashi kutilgandi. Aks holda, 24 yoshli ispaniyalik futbolchi birinchi daqiqalardanoq chap qanotda o‘ynab, Ferlan Mendi markazga o‘tishi mumkin edi. Endi Eduardo Kamavinga chap qanot himoyasida o‘ynashi kutilmoqda.
Joriy mavsumda Garsiya 16 ta o‘yin o‘tkazib, 4 ta golli uzatmani amalga oshirdi.
