Фран Гарсиянинг "Атлетико"га қарши ўйинда иштирок этиши сўроқ остида.
AS хабарига кўра, машғулотларда олинган зарба туфайли футболчининг чап тўпиғи шишиб кетгани учун ҳимоячи шанба куни машғулотларни эрта якунлаган.
Якшанба куни эрталаб жароҳат текширилади ва шундан сўнг футболчи Ла Лиганинг 24-турида ўйнаш имконига эга бўладими ёки йўқлиги аниқ бўлади.
Агар Антонио Рюдигер майдонга тушса, Фран Гарсия ўйинни захира ўриндиғида бошлаши кутилганди. Акс ҳолда, 24 ёшли испаниялик футболчи биринчи дақиқаларданоқ чап қанотда ўйнаб, Ферлан Менди марказга ўтиши мумкин эди. Энди Эдуардо Камавинга чап қанот ҳимоясида ўйнаши кутилмоқда.
Жорий мавсумда Гарсия 16 та ўйин ўтказиб, 4 та голли узатмани амалга оширди.
