"Manchester Siti" "Kristal Pelas" yarim himoyachisi Mayk Olise uchun katta taklif tayyorlamoqda, deya xabar bermoqda jurnalist Alan Nikson.
Manbaga ko‘ra, "shaharliklar" 60 million funt sterlingdan ko‘proq pul to‘lashlari mumkin. Futbolchining xizmatlariga "Manchester Yunayted" ham qiziqish bildirmoqda.
22 yoshli fransiyalik futbolchi London klubida 2021 yildan buyon o‘ynab kelmoqda. Joriy mavsumda u jamoa safida 11 ta o‘yin o‘tkazib, 6 ta gol urdi va 3 ta golli uzatmani amalga oshirdi.
Transfermarkt portali futbolchining narxini 50 million yevroga baholamoqda.