"Манчестер Сити" "Кристал Пэлас" ярим ҳимоячиси Майк Олисе учун катта таклиф тайёрламоқда, дея хабар бермоқда журналист Алан Никсон.
Манбага кўра, "шаҳарликлар" 60 миллион фунт стерлингдан кўпроқ пул тўлашлари мумкин. Футболчининг хизматларига "Манчестер Юнайтед" ҳам қизиқиш билдирмоқда.
22 ёшли франциялик футболчи Лондон клубида 2021 йилдан буён ўйнаб келмоқда. Жорий мавсумда у жамоа сафида 11 та ўйин ўтказиб, 6 та гол урди ва 3 та голли узатмани амалга оширди.
Transfermarkt портали футболчининг нархини 50 миллион еврога баҳоламоқда.