"Roma" hujumchisi Paulo Dibala jamoaning sobiq bosh murabbiyi Joze Mourinyo va rimliklarning hozirgi bosh murabbiyi Daniele De Rossini solishtirdi.
De Rossi tayinlanganidan keyin jamoa ketma-ket uchta g‘alabaga erishdi.
“Ko‘p narsa o‘zgardi. De Rossi Mourinyodan juda farq qiladi. Jamoada nima uchun muammolar borligini ham o‘zimiz tushunib oldik. De Rossi jamoani va shaharni hammadan ko‘proq biladi. U “Roma”ga ishtiyoq olib keldi, ko‘p narsalarni tushunishimizga yordam berdi va nihoyat, anchadan beri isbotlay olmaganimiz nimalarga qodir ekanimizni ko‘rsatdik. O‘ylaymanki, o‘yinlar orasidagi pauza bizga De Rossining g‘oyalarini yaxshiroq tushunishga yordam berdi", - deya Dibalaning so‘zlarini keltiradi Football Italia.
"Roma" 23 turdan keyin 38 ochko bilan A Seriya turnir jadvalida beshinchi o‘rinda bormoqda.
