Payshanba oqshomida "Al-Hilol" va "An-Nasr" o‘zaro o‘rtoqlik turnirida maydonga tushishadi. “Al-Hilol” jamoasi bosh murabbiyi Xorxe Jezus Krishtianu Ronaldu tuzalib, “An-Nasr”da o‘ynashiga umid qilmoqda.
“Ronaldu? U allaqachon jarohatidan forig‘ bo‘lsa yaxshi bo‘lardi. Bu ajoyib o‘yin bo‘ladi va u dunyoning eng yaxshi o‘yinchilaridan biri.
Umid qilamanki, u bizga qarshi o‘ynaydi. Bu yaxshi tayyorgarlik o‘yini bo‘ladi, bu bizga kerak", - dedi Jezus matbuot anjumanida jurnalistlarga.
Eslatib o‘tamiz, avvalroq Krishtianu Ronaldu “Inter Mayami”ga qarshi o‘yinda “An-Nasr” safida maydonga tushmagan edi.
