Shanba oqshomida La Liga peshqadami "Real Madrid" o‘z maydonida "Jirona"ga qarshi o‘yin o‘tkazadi. Kataloniyaliklar bu mavsumda muxlislarni hayratda qoldirmoqda – ular ikkinchi o‘rinda va “Los-Blankos”dan atigi ikki ochko ortda qolishmoqda.
"Jirona" bilan o‘yin oldidan "Real"ning barcha markaziy himoyachilari jarohat olgandi. Madrid klubi Antonio Ryudigerning tiklanishiga umid qilgan, chunki u bir kun oldin mashg‘ulot o‘tkazgandi. Biroq germaniyalikda yana jarohat borligi aniqlandi.
Nacho Fernandes ham qaydnomada mavjud emas - u seshanba kungi Chempionlar ligasi o‘yinida maydonga qaytadi. David Alaba va Eder Militaoga kelsak, ular anchadan beri jarohatlarini davolash bilan band.
