"Real" bosh murabbiyi Karlo Anchelotti yarim himoyachi Jud Bellingem unga Madridning sobiq yarim himoyachisi Zinedin Zidanni eslatishini aytdi.
“Qaymoqranglilar” La Liganing 24-turi doirasidagi o‘yinda ikkinchi o‘rindagi “Jirona”ni qabul qilib, 4:0 hisobida g‘alaba qozondi. Bellingem dubl qayd etdi va ikkinchi bo‘lim boshida almashtirildi.
“U [Bellingem] menga Zidanni eslatadigan jihatlari bor. Masalan, to‘p bilan ishlashda favqulodda mahorat. Zidan yuqori darajadagi texnikaga ega edi, lekin Bellingem ko‘pincha tezlik bilan ishlaydi. O‘zining birinchi goli bilan bo‘lgan epizodda u juda kam odam qila oladigan ishni qildi", - deya Anchelottidan iqtibos keltiradi klub matbuot xizmati.
Birinchi gol urilgan vaqtda Bellingem maydon markazidan katta tezlikda jarima maydoniga kirib bordi va Vinisiusning uzatmasidan so‘ng "Jirona" darvozabonini aldab gol urdi.
20 yoshli britaniyalik "Real"dagi debyut mavsumida 29 o‘yin o‘tkazib, 20 gol urdi va 8 golga assistentlik qildi.
