"Manchester Yunayted" yozgi transfer oynasida tarkibini qanday kuchaytirish haqida o‘ylamoqda. Todofichajes xabariga ko‘ra, ingliz grandining nishoni "Atalanta" himoyachisi Jorjio Skalvini.

Qayd etilishicha, “qizil iblislar” joriy mavsumda Skalvinini bir necha marta tomosha qilgan va uning o‘yinlaridan hayratda qolgan. "Manchester Yunayted" yozda 20 yoshli italiyalikni o‘z safiga qo‘shib olishga harakat qiladi.

Transfermarkt portali ekspertlari Jorjio Skalvinini 40 million yevroga baholamoqda. Joriy mavsumda himoyachi 26 ta uchrashuvda 1 ta gol urdi va 2 ta golli uzatmani amalga oshirdi.