"Манчестер Юнайтед" ёзги трансфер ойнасида таркибини қандай кучайтириш ҳақида ўйламоқда. Todofichajes хабарига кўра, инглиз грандининг нишони "Аталанта" ҳимоячиси Жоржио Скальвини.
Қайд этилишича, “қизил иблислар” жорий мавсумда Скальвинини бир неча марта томоша қилган ва унинг ўйинларидан ҳайратда қолган. "Манчестер Юнайтед" ёзда 20 ёшли италияликни ўз сафига қўшиб олишга ҳаракат қилади.
Transfermarkt портали экспертлари Жоржио Скальвинини 40 миллион еврога баҳоламоқда. Жорий мавсумда ҳимоячи 26 та учрашувда 1 та гол урди ва 2 та голли узатмани амалга оширди.