"Brentford" egasi Mettyu Benxem o‘z klubini sotuvga qo‘ydi.
Benxem ilk bor "Brentford"ga 2007 yilda, "asalarilar" 2-ligada o‘ynagan paytda sarmoya kiritgan.
Bu vaqt ichida "Brentford" nafaqat Premyer-ligaga chiqdi va bu yerda o‘z o‘rnini topdi, balki yangi stadionga ham ega bo‘ldi.
Biroq, endi 55 yoshli Benxem loyihadan voz kechishga yoki, hech bo‘lmaganda, undagi ulushini sotishga qaror qildi.
Sky Sports nashri ma’lumotlariga ko‘ra, Benxem allaqachon Rothschild investisiya xoldingini yollagan, u potensial investorlar, xususan, AQSHda muzokaralar olib boradi.
Benxem butun "Brentford"ni 400 million funt sterlingga baholaydi, ammo yuqorida aytib o‘tilganidek, klubda minoritar yoki asosiy aksiyador sifatida qolishga tayyor.
