"Брентфорд" эгаси Мэттью Бенхэм ўз клубини сотувга қўйди.
Бенхэм илк бор "Брентфорд"га 2007 йилда, "асаларилар" 2-лигада ўйнаган пайтда сармоя киритган.
Бу вақт ичида "Брентфорд" нафақат Премьер-лигага чиқди ва бу ерда ўз ўрнини топди, балки янги стадионга ҳам эга бўлди.
Бироқ, энди 55 ёшли Бенхэм лойиҳадан воз кечишга ёки, ҳеч бўлмаганда, ундаги улушини сотишга қарор қилди.
Sky Sports нашри маълумотларига кўра, Бенхэм аллақачон Rothschild инвестиция холдингини ёллаган, у потенциал инвесторлар, хусусан, АҚШда музокаралар олиб боради.
Бенхэм бутун "Брентфорд"ни 400 миллион фунт стерлингга баҳолайди, аммо юқорида айтиб ўтилганидек, клубда миноритар ёки асосий акциядор сифатида қолишга тайёр.
