«PSJ» bosh murabbiyi Luis Enrike hujumchi Kilian Mbappening xatti-harakatidan norozi bo‘ldi. Ispaniyalik mutaxassis fransiyalik futbolchining yozda jamoani tark etishini mavsum o‘rtasida e’lon qilganidan g‘azabda. Bu haqda jurnalist Tanzi Olic xabar bermoqda.
Enrikening fikricha, Mbappe atrofidagi shov-shuvlar kiyinish xonasidagi muhitga salbiy ta’sir ko‘rsatdi. Rahbariyat endi futbolchini daxlsiz deb hisoblamaydi, shu sababli fransuz o‘z jamoasining so‘nggi ikki o‘yinini oxirigacha o‘tkazmadi.
Eslatib o‘tamiz, Mbappe yozda erkin agent sifatida Parijni tark etadi. «PSJ» tarixidagi eng yaxshi to‘purarning yangi klubi katta ehtimol bilan «Real Madrid» bo‘ladi.
