Kataloniyaning “Barselona” klubi sardori Serxi Roberto Saudiya Arabistonidan juda katta taklif oldi.
Jurnalist Fernando Poloning xabariga ko‘ra, ispaniyalik futbolchi allaqachon shaxsiy sabablarga ko‘ra qiziqish bildirgan klub taklifini rad etishga ulgurdi. Robertoning "Barselona" bilan shartnomasi mavsum oxirida tugaydi, ammo futbolchi shartnomani uzaytirishni va kamida yana bir mavsumda qolishni istamoqda. Biroq, klub hali ham o‘z sardorini saqlab qolish maqsadga muvofiqligiga shubha qilmoqda.
Avvalroq, yozda Roberto MLSga o‘tishi va "Inter Mayami" bilan shartnoma imzolashi mumkinligi haqida xabarlar tarqalgan edi. Bu klubda "Barselona"ning 4 nafar sobiq futbolchisi - Lionel Messi, Luis Suares, Serxio Buskets va Jordi Alba bor.
