Каталониянинг “Барселона” клуби сардори Серхи Роберто Саудия Арабистонидан жуда катта таклиф олди.
Журналист Фернандо Полонинг хабарига кўра, испаниялик футболчи аллақачон шахсий сабабларга кўра қизиқиш билдирган клуб таклифини рад этишга улгурди. Робертонинг "Барселона" билан шартномаси мавсум охирида тугайди, аммо футболчи шартномани узайтиришни ва камида яна бир мавсумда қолишни истамоқда. Бироқ, клуб ҳали ҳам ўз сардорини сақлаб қолиш мақсадга мувофиқлигига шубҳа қилмоқда.
Аввалроқ, ёзда Роберто МЛСга ўтиши ва "Интер Майами" билан шартнома имзолаши мумкинлиги ҳақида хабарлар тарқалган эди. Бу клубда "Барселона"нинг 4 нафар собиқ футболчиси - Лионель Месси, Луис Суарес, Серхио Бускетс ва Жорди Альба бор.
