"Chelsi" bosh murabbiyi Maurisio Pochettino Rahim Sterlingni qo‘llab-quvvatladi.

Argentinalik mutaxassis muxlislarning angliyalik vingerga nisbatan noroziligi sabablarini tushunmasligini tan oldi.

"Shaxsan men hushtakni eshitmadim, lekin ular menga bu haqda aytib berishdi. Men bu yerda nega bunday bo‘layotganini tushunmayapman.

Buni tushunish men uchun qiyin. Rahim "Chelsi"ga to‘liq sodiq, u yaxshi harakat qilmoqda. Sterling mashg‘ulotlarning 99 foizida qatnashadigan yigitlardan biri, u doimo tayyor.

U ba’zan yaxshi, ba’zida unchalik yaxshi emas, xuddi boshqalar kabi", - deya Pochettinodan iqtibos keltiradi Telegraph.