Italiyada boks bo‘yicha jahon lisenzion turniri hal qiluvchi bosqichga yetib kelmoqda. Kecha O‘zbekiston terma jamoasining 4 nafar a’zosi saralash bosqichida navbatdagi jangni o‘tkazdi.

-50 kg vaznda ishtirok etayotgan bokschimiz Sabina Boboqulova irlandiyalik Dayana Murxausga qarshi jang qildi. Yakunda esa, hakamlar qaroriga ko‘ra, hamyurtimiz raqibasini 3:2 hisobida taslim etdi. Sabinaning keyingi bahsi Olimpiada o‘yinlari yo‘llanmasi uchun bo‘lib o‘tadi.

-80 kg vaznda bahs olib borayotgan bokschimiz To‘rabek Habibullayev bu safar unga fransiyalik Yoyerlin Sezar raqiblik qildi. 3 raund yakuniga ko‘ra, vakilimiz 4:1 hisobida g‘alaba qozondi.

-57 kg vaznda jang qilayotgan vakilamiz Sitora Turdibekova chorak final bahsida polshalik Yuliya Sheremetaga qarshi ringga ko‘tarildi. Bahs yakunida esa, afsuski, hakamlar qaroriga ko‘ra, polshalik bokschining qo‘li baland keldi. Umumiy hisob  1:4.

-71 kg vaznda bahs olib borayotgan vakilimiz, o‘zining navbatdagi jangini kolumbiyalik Aleksandr Rangelga qarshi o‘tkazdi. Asadxo‘janing nazorati ostida o‘tgan bahsda, u raqibini ayab o‘tirmadi. 5:0 va chorak final.

-50 kg: Sabina Boboqulova - Dayana Murhaus (Irlandiya) - 3:2
-57 kg: Sitora Turdibekova - Yuliya Sheremeta (Polsha) - 1:4
-67 kg: Asadxo‘ja Mo‘ydinxo‘jayev - Aleksandr Renjel (Kolumbiya) - 4:1
-80 kg: To‘rabek Habibullayev - Yoyerlin Sezar (Fransiya) - 5:0