Xosep Gvardiola bir necha oy oldin «Manchester Siti» murabbiylik postida o‘n mavsum ishlaganidan so‘ng jamoani tark etgan edi. Endilikda Gvardiolani Italiya terma jamoasi tepasida ko‘rishni istashmoqda.
Italiyaning Sky nashri xabariga ko‘ra, Paolo Maldini va Leonardo dam olish kunlarini Barselonada o‘tkazishgan va Xosep Gvardiola bilan uchrashishgan. Taxmin qilinishicha, tomonlar bir necha kun davomida muzokaralar olib borishgan.
Hozircha Xosep Gvardiola Italiya terma jamoasining keyingi bosh murabbiyiga aylanadimi-yo‘qmi, noma’lum. Maldini va Leonardo Roberto Manchini va Andrea Pirlo nomzodlarini ham ko‘rib chiqishmoqda.
Yaqinda Paolo Maldini Italiya futbol federasiyasining texnik direktori, Leonardo esa uning maslahatchisi lavozimini egallagan edi.
