Хосеп Гвардиола бир неча ой олдин «Манчестер Сити» мураббийлик постида ўн мавсум ишлаганидан сўнг жамоани тарк этган эди. Эндиликда Гвардиолани Италия терма жамоаси тепасида кўришни исташмоқда.
Италиянинг Sky нашри хабарига кўра, Паоло Мальдини ва Леонардо дам олиш кунларини Барселонада ўтказишган ва Хосеп Гвардиола билан учрашишган. Тахмин қилинишича, томонлар бир неча кун давомида музокаралар олиб боришган.
Ҳозирча Хосеп Гвардиола Италия терма жамоасининг кейинги бош мураббийига айланадими-йўқми, номаълум. Мальдини ва Леонардо Роберто Манчини ва Андреа Пирло номзодларини ҳам кўриб чиқишмоқда.
Яқинда Паоло Мальдини Италия футбол федерациясининг техник директори, Леонардо эса унинг маслаҳатчиси лавозимини эгаллаган эди.
