Hujumchi Armando Broya "Chelsi"dan "Fulxem"ga o‘tganidan keyin jamoaning asosiy tarkibiga kira olmadi.
Albaniyalik futbolchi yanvar oyida ijara asosida Londonning boshqa jamoasi safiga qo‘shilgandi. Hujumchi muntazam ravishda o‘yin amaliyotiga ega bo‘lib turishi rejalashtirilgan edi, ammo hozirda unga Marko Silva jamoasida joy yo‘q. Jurnalist Semi Mokbelning yozishicha, shu munosabat bilan “Fulxem” “Chelsi”ga 4 million funt sterling (taxminan 4,7 million yevro) miqdorida tovon puli to‘lashi kerak bo‘ladi. Bu futbolchi mavsum yakuniga qadar kamida 60% o‘yinlarni asosiy tarkibda boshlamagan taqdirda shartnomada ko‘rsatilgan miqdor.
Armando Broya "Fulxem" safida to‘rt marta zaxiradan maydonga tushdi.
