"Chelsi" bosh murabbiyi Maurisio Pochettino 39 yoshli markaziy himoyachi Tyago Silva nima uchun asosiy tarkibdagi o‘rnini yo‘qotganini tushuntirdi.
Eslatib o‘tamiz, braziliyalik futbolchi bir necha hafta oldin kichik jarohatidan forig‘ bo‘lgan, ammo hech qachon asosiy tarkibga qaytmagandi.
“Menga hamma narsa ayon: futbolchi yaxshi o‘ynashi va maydonda o‘z o‘rniga munosib bo‘lishi kerak. Nom, tajriba yoki afsonaviy holat men uchun hech narsani anglatmaydi.
Tyago hozir yaxshi mashg‘ulot o‘tkazmoqda va o‘zining maydonga tushish imkoniyatini kutmoqda”, dedi Pochettino matbuot anjumanida.
