"Челси" бош мураббийи Маурисио Почеттино 39 ёшли марказий ҳимоячи Тьяго Силва нима учун асосий таркибдаги ўрнини йўқотганини тушунтирди.
Эслатиб ўтамиз, бразилиялик футболчи бир неча ҳафта олдин кичик жароҳатидан фориғ бўлган, аммо ҳеч қачон асосий таркибга қайтмаганди.
“Менга ҳамма нарса аён: футболчи яхши ўйнаши ва майдонда ўз ўрнига муносиб бўлиши керак. Ном, тажриба ёки афсонавий ҳолат мен учун ҳеч нарсани англатмайди.
Тьяго ҳозир яхши машғулот ўтказмоқда ва ўзининг майдонга тушиш имкониятини кутмоқда”, деди Почеттино матбуот анжуманида.
