"Udineze" yarim himoyachisi Lazar Samardjich faoliyatini Ispaniya chempionatida davom ettirish imkoniyatiga ega. Todofichajes jurnalistlariga ma’lum bo‘lishicha, "Barselona" 22 yoshli serbiyalik yarim himoyachini o‘z safiga qo‘shib olmoqchi.

“Ko‘k-anorranglilar” boshqa nomzodlar bilan o‘yinchi uchun kurashishga tayyor. “Yuventus” va “Napoli” ham Samarjichni sotib olmoqchi. Yarim himoyachining transfer qiymati 20 million yevroga baholanmoqda. Uning "Udineze" bilan shartnomasi 2026 yilning o‘rtalariga qadar amal qiladi.

Italiya chempionatining joriy mavsumida Lazar 25 ta o‘yin o‘tkazib, 3 ta gol va 2 ta golli uzatmani amalga oshirdi.