“Al-Hilol” hujumchisi Neymar klubdan uni “Barselona”ga ijaraga berishni so‘radi, deya xabar beradi sport.es.
Manbaning xabariga ko‘ra, 32 yoshli braziliyalik jarohatidan tuzalgach, sobiq jamoasiga qaytishni xohlagan. U 2013 yildan 2017 yilgacha Kataloniya klubida o‘ynagan. Qayd etilishicha, klublar hali mumkin bo‘lgan kelishuv bo‘yicha muzokaralarni boshlamagan.
Neymar o‘tgan yozda "PSJ"dan Saudiya klubiga o‘tgan edi. Joriy mavsumda u “Al-Hilol” safida 5 ta o‘yinda maydonga tushib, bitta gol urdi va 3 ta golli uzatmani amalga oshirdi.
