"Liverpul" to‘pga egalik qilish bo‘yicha Premyer-ligada rekord o‘rnatdi.
APLning 31-turida “Liverpul” o‘z maydonida “Sheffild”ni qabul qilib, 3:1 hisobida g‘alaba qozondi.
Ushbu o‘yinda mersisaydliklar o‘yin vaqtining 83,1 foizi to‘pga egalik qilishdi. Bu hech bo‘lmaganda 2003/04 yilgi mavsumda statistika yuritila boshlangan paytdan buyon Premyer-liga rekordidir.
Avvalgi rekord “Manchester Siti”ga tegishli – 82,9% 2018 yilning aprelida “Suonsi”ga qarshi o‘yinda.
Yurgen Klopp jamoasi APL turnir jadvalida 70 ochko bilan peshqadamlik qilmoqda, “Arsenal”dan 2 ochko, “Siti”dan esa 3 ochko oldinda.
