"Barselona" bosh murabbiyi Xavi joriy mavsum yakunida Kataloniya klubini tark etish fikridan qaytmasligini aytdi. Ispaniyalik mutaxassis to‘g‘ri qaror qabul qilganiga ishonch bildirmoqda, bu barchaga foyda keltiradi.

"Mavsum oxirida klubni tark etish haqidagi qarorim o‘zgarmaydi. Qabul qilgan qarorim to‘g‘ri, bu klubga, futbolchilarga, hatto matbuotga, shuningdek, menga va yaqinlarimga tinchlik olib keldi... Va men o‘z fikrimni o‘zgartirmayman", - deya Xavi so‘zlarini keltiradi Fabrisio Romano.

Xavi "Barselona"ni 2021 yilning noyabrida boshqargandi. 44 yoshli mutaxassis klub bilan birgalikda Ispaniya chempionati (2022/2023) va Ispaniya Superkubogi (2022/2023) sohibi bo‘lgan.