"Барселона" бош мураббийи Хави жорий мавсум якунида Каталония клубини тарк этиш фикридан қайтмаслигини айтди. Испаниялик мутахассис тўғри қарор қабул қилганига ишонч билдирмоқда, бу барчага фойда келтиради.
"Мавсум охирида клубни тарк этиш ҳақидаги қарорим ўзгармайди. Қабул қилган қарорим тўғри, бу клубга, футболчиларга, ҳатто матбуотга, шунингдек, менга ва яқинларимга тинчлик олиб келди... Ва мен ўз фикримни ўзгартирмайман", - дея Хави сўзларини келтиради Фабрицио Романо.
Хави "Барселона"ни 2021 йилнинг ноябрида бошқарганди. 44 ёшли мутахассис клуб билан биргаликда Испания чемпионати (2022/2023) ва Испания Суперкубоги (2022/2023) соҳиби бўлган.
