"Manchester Yunayted" bosh murabbiyi Erik ten Xag jamoasining joriy mavsumdagi maqsadlari haqida gapirdi.
“Qizil iblislar” “Bornmut” bilan uchrashuvdagi durangdan so‘ng (2:2) APLning kuchli to‘rtligidan joy olish uchun kurashdagi imkoniyatlarini pasaytirdi.
Ten Xag jamoasi turnir yakuniga 6 tur qolganda to‘rtinchi o‘rindagi "Aston Villa"dan o‘n ochko ortda qolib, jadvalning yettinchi o‘rnida bormoqda.
“Kuchli to‘rtlikdan joy uchun kurashasizmi? Bizning harakatlarimiz yetarli emas, buni bilamiz. Mavsumning so‘nggi bosqichida yetarlicha o‘yin ko‘rsatmayapmiz.
To‘g‘risi, biz bugun yaxshiroq natijaga loyiq emasdik. Biz yaxshiroq harakat qilishimiz, o‘yinni nazorat qilishimiz, gol urishimiz va ko‘p imkoniyatlarni boy bermasligimiz kerak”, — dedi niderlandiyalik murabbiy.
