"Barselona"ning 16 yoshli futbolchisi Lamin Yamal "PSJ"ning transfer maqsadlaridan biri.

Bir necha bor xabar qilinganidek, Parij grandi o‘sib borayotgan superyulduzni o‘z saflariga jalb qilish uchun taxminan 200 million yevro sarflashga tayyor. Biroq, jurnalist Toni Xuanmartining so‘zlariga ko‘ra, vinger "Barselona"ni tark etish niyatida emas. Ispaniyalik futbolchi faqat "ko‘k-anorranglilar" uchun o‘ynashni istaydi va kelajagini shu klub bilan bog‘lashga tayyor.

Transfermarkt portali ekspertlari Lamin Yamalning transfer qiymatini 75 million yevroga baholamoqda. Futbolchining kataloniyaliklar bilan amaldagi shartnomasi 2025/26 yilgi mavsum oxirigacha amal qiladi.