"Барселона"нинг 16 ёшли футболчиси Ламин Ямал "ПСЖ"нинг трансфер мақсадларидан бири.
Бир неча бор хабар қилинганидек, Париж гранди ўсиб бораётган суперюлдузни ўз сафларига жалб қилиш учун тахминан 200 миллион евро сарфлашга тайёр. Бироқ, журналист Тони Хуанмартининг сўзларига кўра, вингер "Барселона"ни тарк этиш ниятида эмас. Испаниялик футболчи фақат "кўк-анорранглилар" учун ўйнашни истайди ва келажагини шу клуб билан боғлашга тайёр.
Transfermarkt портали экспертлари Ламин Ямалнинг трансфер қийматини 75 миллион еврога баҳоламоқда. Футболчининг каталонияликлар билан амалдаги шартномаси 2025/26 йилги мавсум охиригача амал қилади.
