"Nyukasl" darvozaboni Loris Kariusning kelajagi borasida bir qarorga keldi. Jurnalist Fabrisio Romanoning ijtimoiy tarmoqlar orqali xabar berishicha, "qarg‘alar" futbolchi bilan shartnomani uzaytirmaslikka qaror qilgan. Shu tariqa Loris joriy mavsum yakunida jamoani tark etadi.
Karius “Nyukasl”da 2022 yilning kuzidan buyon o‘ynab kelmoqda. Angliya Premyer-ligasining joriy mavsumida 30 yoshli germaniyalik atigi bitta uchrashuv o‘tkazib, o‘z darvozasidan to‘rtta gol o‘tkazib yubordi. Transfermarkt portali Lorisning bozor narxini atigi bir million yevroga baholamoqda.
