Yurgen Kloppning fikricha, Premyer-ligadagi gavjum taqvim ingliz jamoalarining yevrokuboklardagi imkoniyatlariga ta’sir qilmoqda. "Manchester Siti" boshqaruvchisi Pep Gvardiola germaniyalik hamkasbini qo‘llab-quvvatladi.
“Bu sabablardan biri. Men Yurgenning fikriga qo‘shilaman, ammo vaziyat o‘zgarmaydi. Balki keyingi mavsumda ingliz klublari yevrokuboklarda yaxshiroq o‘ynashar", dedi Gvardiola matbuot anjumanida.
“Manchester Siti” va “Liverpul” joriy mavsumda Yevropa maydonlaridagi harakatlarini chorak finalida yakunladi.