"Real Madrid"ning o‘ng qanot himoyachisi Daniel Karvaxal uch jamoadoshining kelajagi haqida gapirdi. Gap yarim himoyachilar Toni Kroos va Luka Modrich, shuningdek, markaziy himoyachi Nacho Fernandes haqida ketmoqda. Eslatib o‘tamiz, ushbu uch futbolchining ham shartnomasi mavsum oxirida yakuniga yetadi.

"Bavariya"ga qarshi o‘yin Kroos, Modrich va Nacho uchun Chempionlar ligasidagi so‘nggi uy o‘yini bo‘ladimi? Bu futbolchilarning ahvolini bilish qiyin. Hozir bor e’tiborimizni mavsum yakuniga qaratganmiz va har bir uchrashuvdan zavq olishni istaymiz. Umid qilamanki, ertangi o‘yin ba’zi jamoadoshlarim uchun Chempionlar ligasidagi xayrlashuv uy o‘yini bo‘lmaydi. Ammo bu sodir bo‘ladigan bo‘lsa, umid qilamanki, bu ajoyib kecha bo‘ladi", - dedi Karvaxal Chempionlar ligasi yarim final javob o‘yini oldidan o‘tkazilgan matbuot anjumanida.