FIFA klublar o‘rtasidagi Jahon Chempionatini kengaytirgani uchun sudga berilishi mumkin.

Xalqaro Professional futbolchilar Assosiasiyasi (FIFPro) va Jahon Ligalari Assosiasiyasi FIFA 2025 yilgi klublar o‘rtasidagi Jahon Chempionatini boshqa vaqtga ko‘chirmasa, tashkilotni sudga beradi.

The Times nashrining xabariga ko‘ra, tashkilotlar FIFAga qo‘shma xat yo‘llagan va unda xalqaro o‘yinlar taqvimining kengayishi, futbolchilarga, ligalarga ta’siridan xavotir olayotganini bildirgan.

2025 yilgi klublar o‘rtasidagi Jahon Chempionatida 32 ta klub ishtirok etadi va turnir 29 kun davom etishi belgilangan.

Yangilangan turnirda Yevropaning 12 ta jamoasi, KONMEBOL’ning 6 ta klubi va KONKAKAFning 4 ta jamoasi ishtirok etadi. Musobaqada 15 iyundan 13 iyulga qadar AQSHda bo‘lib o‘tadi.

Shuningdek, endi turnir har 4 yilda bir marta o‘tkaziladi. Bungacha musobaqa har yili o‘tkazilib, unda yettita jamoa ishtirok etardi. Turnir saqlanib qoladi, lekin Qit’alararo Kubok degan nomni oladi.