Angliya terma jamoasi va “Manchester Yunayted”ning sobiq futbolchisi Ueyn Runi hozirda “qizil iblislar” safida to‘p tepayotgan futbolchilar haqida gapirdi.
“Klubda ajoyib o‘yinchilar bor, ammo ularning o‘yinlari kutilgan darajada emas. Ular olgan jarohatlarga qarang. Ulardan ba’zilari, albatta, o‘ynashi mumkin. Bu 100 foiz aniq. Oldinda Angliya kubogi finali, keyin esa Yevro-2024 bor. Ularning ko‘pchiligi charchagan va shuning uchun ko‘proq dam olishni va faqat Kubok finali uchun qaytishni xohlaydi. Men bu haqda bilaman, men buni ko‘p yillar davomida kuzatganman”, - deydi Ueyn Runi.
